Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौँ । दाङमा गोरखनाथ वैदिक गुरुकुलका वटुक सुत्ने हलमा आगलागी हुँदा करिब ७ लाख बराबरको क्षति भएको छ ।
घोराही उपमहानगरपालिका १७ चौघेरास्थित गोरखनाथ वैदिक गुरुकुलका वटुकहरू सुत्ने हलमा शुक्रबार बिहान एक्कासि विद्युतको तार सर्ट भई आगलागी हुँदा करिब ७ लाख बराबरको क्षति भएको जिल्ला प्रहरी कार्यालय दाङले जनाएको छ ।
आगलागीको सूचना प्राप्त हुनासाथ तत्काल अस्थायी प्रहरी पोष्ट चौघेरा र जिप्रका दाङ, घोराही उपमहानगरपालिकाको दमकल सहितको टोलीले करिब ४० मिनेटमा पूर्ण रूपमा नियन्त्रण लिएको जिल्ला प्रहरी कार्यालय दाङले जानकारी दिए ।
आगलागीबाट टिन, काठ, लत्ताकपडा, अन्नपात भाँडा बर्तन र भवन कोठामा क्षति हुँदा करिब ७ लाख बराबरको क्षति भएको हो । आगलागीबाट कुनै पनि मानवीय क्षति भने नभएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
