Apr 07 2025 | २०८१, चैत २५ गते
Apr 07 2025 | २०८१, चैत २५ गते
काठमाडौं । बाँकेमा पेट्रोल छर्केर आगो लगाउँदा २ वर्षीय बालकको ज्यान गएको छ । कोहलपुर नगरपालिका-१ शक्तिनगरका ३० वर्षीय भानुभक्त विकले आइतबार साँझ श्रीमती गङ्गा विक र दुई वर्षका छोरा प्रिन्सलाई पेट्रोल छर्किएर आगो लगाएका थिए ।
आगोमा जलेर सख्त घाइते भएका आमा छोरालाई स्थानीयले उद्धार गरी नेपालगन्जस्थित भेरी अस्पताल पुर्याएका थिए । उपचारकै क्रममा बालकको आज बिहान साढे ६ बजे मृत्यु भएको जिल्ला प्रहरी कार्यालय, बाँकेले जनाएको छ ।
घाइते गङ्गाको शरीरको १८ देखि २० प्रतिशत भाग जलेको प्रहरीले जनाएको छ । घाँटीको भागमा बढी जलेकाले अवस्था चिन्ताजनक रहेको अस्पतालले जनाएको छ । घटनापछि फरार रहेका बिकलाई गएराति नै प्रहरीले नियन्त्रणमा लिइएको छ ।
आपसी मनमुटाबमा आगो लगाएको प्रारम्भिक अनुसन्धानमा देखिएको प्रहरीको भनाइ छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
