Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडौं । केही दिनयता देशभरको तापक्रम क्रमशः बढ्दो मात्रामा रहेको छ । मौसम पूर्वानुमान महाशाखाका अनुसार पानी नपरेका कारण तापक्रम कम नभएको हो ।
मौसमविद्का अनुसार जनावरी चिसो महिना हो । सामान्यतया जनवरीपछि तापक्रम क्रमशः बढ्ने हुन्छ । फेब्रुअरीको दोस्रो सातासम्म तापक्रमको मात्रा उकालो लागिसकेको हुन्छ ।
यसपालि पानी नपरेका कारण अहिले नै तुलनात्मक रूपमा तातो भएको मौसमविद्ले जनाएको छ । अब तापक्रम क्रमिक रूपमा बढ्ने छ । विगतका वर्षहरूमा जस्तो यसपालि पानी पर्ने सम्भावना कमै मात्रा देखिन्छ । अबका तीन दिनसम्म देशभर पानी पर्ने सम्भावना कम रहेको छ ।
आज बिहान पौने ९ बजे काठमाडौँ उपत्यकाको न्यूनतम तापक्रम ८।२ डिग्री सेल्सियस मापन गरिएको महाशाखाले जनाएको छ । सोही समयमा हिजो बिहान काठमाडौँको न्यूनतम तापक्रम ६ डिग्री सेल्सियस थियो ।
पुस २३ गते काठमाडौँ उपत्यकाको न्यूनतम तापक्रम यो वर्षको आजसम्मकै कम २.५ डिग्री सेल्सियस मापन गरिएको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
