Apr 05 2025 | २०८१, चैत २३ गते
Apr 05 2025 | २०८१, चैत २३ गते
भारत अधिनस्थ काश्मिरी क्षेत्रका विभिन्न भागमा २४ घण्टाभन्दा कम समयमा भएका दुईवटा फरक फरक आक्रमणका घटनामा पाँचजना नागरिक मारिएपछि घटनास्थल क्षेत्रमा तनाव चर्र्किएको छ ।
आइतबार साँझ राजौरी जिल्लामा लडाकुहरुले तीनवटा घरमा अन्धाधुन्ध गोली चलाउँदा चारजना मानिसको ज्यान जानुका साथै अन्य नौजना घाइते भएका थिए । त्यसैगरी सोमबार ती घरहरु नजिकै एउटा विस्फोट हुँदा एकजना बालकको मृत्यु हुनुका साथै अन्य चार व्यक्ति घाइते भएका छन् । विस्स्फोटनको कारण थाहा हुन सकेको छैन ।
वरिष्ठ प्रहरी अधिकारीहरुले घटना समबन्धमा आवश्यक अनुसन्धान सुरु गरिसकेका बीबीसीले लेखेको छ । आइतबारको घटनालाई लिएर स्थानीयले राजौरीमा विरोध प्रदर्शन गरेका छन् । उनीहरुले उक्त घटनाका लागि स्थानीय प्रशासनको सुरक्षा कमजोरीलाई दोष दिएका छन् ।
स्थानीय प्रशासन प्रमुख मनोज सिन्हाले यस कायरतापूर्ण आतंककारी आक्रमणको निन्दा गर्दै पीडित परिवारलाई आर्थिक सहयोग उपलब्ध गराइने बताएका छन् । आइतबार मारिने चारजना मुस्लिम बाहुल्य काश्मिरको अल्पमत हिन्दु समुदायका भएको बताइएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
