Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । सरकारले डेंगु नियन्त्रण तथा रोकथाममा चासो नदिँदा देशका ७७ मध्ये ७६ जिल्लामा फैलिसकेको छ ।
२०७९ साउन १ गते देखि हालसम्म कुल २४ हजार ४९२ जना डेंगुका बिरामी भेटिएका स्वास्थ्य तथा जनसंख्या मन्त्रालयले जनाएका छन् । हालसम्म डेंगुका कारण देशभर २९ जनाको मृत्यु भइसकेको मन्त्रालयका अनुसार रहेको छ ।
नेपालमा मन्त्रालयका अनुसार सबैभन्दा बढी डेंगुका बिरामी बागमती प्रदेशमा देखिएका छन् ।अहिले बागमती प्रदेशमा १९ हजार डेंगुका बिरामी भेटिएका छन् । त्यस्तै प्रदेश १ मा ७५३, मधेश प्रदेशमा ३२३, गण्डकी प्रदेशमा ५३७, लुम्बिनी प्रदेशमा २ हजार ८७२, कर्णाली प्रदेशमा २३० र सुदूरपश्चिम प्रदेशमा ७७७ जना डेंगुका बिरामी भेटिएको मन्त्रालयले जनाएको छ ।
सरकारको नेतृत्व गरिरहेको नेपाली कांग्रेसका नेताहरुले नै डेंगु नियन्त्रणमा सरकार उदासिन भएको आरोप लगाएका छन् । कांग्रेस महामन्त्री गगन थापा र नेता प्रकाश मान सिंहले विभिन्न माध्यमबाट सरकारलाई डेंगु नियन्त्रण गर्न तत्काल आवश्यक कदम चाल्न आग्रह गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
