Apr 05 2025 | २०८१, चैत २३ गते
Apr 05 2025 | २०८१, चैत २३ गते
ललितपुर । शिक्षा, विज्ञान तथा प्रविधि मन्त्री देवेन्द्रप्रसाद पौडेलले मुलुकमा खस्कदै गइरहेको शिक्षा प्रणाली सुधारका लागि मन्त्रालयका साथसाथै सम्बन्धित निकायले समेत मिलेर अघि बढ्नुपर्ने बताए ।
एशोसिएसन अफ इञ्जिनियरिङ कलेज नेपालले आयोजना गरेको ‘नेपालको उच्च शिक्षामा गुणस्तर व्यवस्थापन र कार्यान्वयन’ विषयक कार्यक्रममा बोल्दै उहाँले मुलुकका समस्त शैक्षिक संस्थाको गुणस्तरीयता वृद्धि भएमा अध्ययनका लागि विद्यार्थी अन्य मुलुक बाहिरिने क्रम घट्ने बताए ।
मुलुकको शिक्षा क्षेत्रमा आवश्यक विभिन्न किसिमका दक्ष जनशक्ति परिपूर्ति गर्नका लागि आउँदो वर्षदेखि समयमै एसइईको परीक्षा लिने तयारी गरिरहेको पौडेलले जिकीर गरे ।
राष्ट्रिय चिकित्सा शिक्षा आयोगका उपाध्यक्ष डा. श्रीकृष्ण गिरीले मुलुकमा गुणस्तरीय स्वास्थ्य कायम गराउने काम आफूहरुले काम गरिरहेको जिकीर गर्नुभयो ।
विश्वविद्यालय अनुदान आयोगका अध्यक्ष भीमप्रसाद सुवेदीले मुलुक भित्र कूल एक हजार चार सय ३७ क्याम्पस सञ्चालन भइरहेका जानकारी गराउँदै सो मध्ये आठ सय क्याम्पसमा दुई सय विद्यार्थी सङ्ख्या र बाँकी पाँच सयमा एक सय मात्र विद्यार्थी रहेकाले सम्बन्धित व्यक्तिले तालमेल गरेर अघि बढ्न जरुरी रहेको खाँचो ठहराए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
