Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । नेकपा माओवादी केन्द्रनिकटको अखिल क्रान्तिकारीले ‘त्रिवि बचाउ संघर्ष’ सुरू गरेको छ ।
नेविसंघको तालाबन्दी र आन्दोलनले अस्तव्यस्त बनेको त्रिविको समस्या समाधानका लागि चौतर्फी दबाब भैरहेको यो अवस्थामा विश्वविद्यालय रुपान्तरणको लागि आन्दोलनहरूको स्वरूप बदल्ने उचित समय आएको सत्तागठबन्धनकै विद्यार्थी संगठन क्रान्तिकारीले जनाएको हो ।
संघर्षका कार्यक्रम सार्वजनिक गर्दै क्रान्तिकारीले भदौ १५ देखि २२ सम्म २४ घण्टा विश्वविद्यालय खुला रहने अभियान सुरू गरेको छ ।बिम्बात्मक रूपमा विश्वविद्यालय २४ घण्टा खुल्ला राखी पढाइ सुचारु गर्ने र सबै तहका कार्यकक्ष खुला राख्ने क्रान्तिकारीले बताइएको छ ।
बिम्बात्मक रुपमा बत्ती, पानीको धारा पनि खुला राख्ने क्रान्तिकारीले बताएको छ । बिम्बात्मक रूपमा विश्वविद्यालयका गेटहरू पनि खुला राख्ने भन्दै अखिल क्रान्तिकारीले मागहरू पूरा नगरे थप आन्दोलन गर्ने चेतावनी दिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
