
Apr 06 2025 | २०८१, चैत २४ गते
काठमाडौं । ट्याक्सीमा छुटेको गहना ट्राफिक प्रहरीले खोजी गरी सम्बन्धित व्यक्तिलाई फिर्ता गरेको छ। दरबारमार्गदेखि पेप्सिकोलासम्म यात्रा गर्ने क्रममा नम्बर नखुलेको ट्याक्सीमा छुटेको गरगहना ट्राफिक प्रहरीको सहयोगमा सम्बन्धितले फिर्ता पाएको हो ।
ट्याक्सीमा सुनको तिलहरी १.५ तोलाको–१ थान, मारवाडी रिङ १.५ तोलाको–२ थान, जन्तर ८ आनाको –१ थान, चाँदीको बाला ४ तोलाको–१ थान, रेडमो गो मोडलको मोबाइल फोन–१ थान, नागरिकता–३ थान र नगद रू ८ हजार सहितको लेडिज ब्याग छुटेको थियो । आज सम्बन्धित धनीको पहिचान गरी उपत्यका ट्राफिक प्रहरी कार्यालय रामशाहपथमा हस्तान्तरण गरिएको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij