Apr 14 2025 | २०८२, वैशाख १ गते
Apr 14 2025 | २०८२, वैशाख १ गते
काठमाडौं । बेलायत पठाउँछु भनेर १५ लाख ठगेको आरोपमा प्रहरीले एकजनालाई पक्राउ गरेको छ । सामाखुसी बस्दै आएका ३७ वर्षीय प्रकाश राईको स्थायी घर इलाम नगरपालिका-१ नारायणटारमा रहेको प्रहरीले जनाएका छन् ।
उनले अमिर श्रेष्ठसहित ५ जनालाई सिजनल भिसामा बेलायत पठाइदिन भन्दै ३/३ लाख रुपैयाँका दरले रकम लिएर फरार भएको प्रहरीले जनाएको छ ।राईले सिजनल भिसामा बेलायत जान एक जनाको ९ लाख रुपैयाँ लाग्ने र त्यहाँ मासिक ४ लाख रुपैयाँ तलब पाइने भन्दै पीडितसँग रकम असुलेर फरार भएको काठमाडौं उपत्यका अपराध अनुसन्धान कार्यालयले जनाएको छ ।
उनलाई वैदेशिक रोजगार विभागले पक्राउ गरी उपस्थित गराइदिन भनेपछि अपराध अनुसन्धान कार्यालयले आइतबार सिनामंगलबाट पक्राउ गरेको हो । उनलाई वुद्धनगरस्थित वैदेशिक रोजगार विभागमा बुझाएको अपराध अनुसन्धान कार्यालयका सूचना अधिकारी प्रहरी उपरीक्षक कृष्णप्रसाद कोइरालाले जानकारी दिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
