काठमाडौं । वीरगन्ज–पर्सामा हिंसामा हिंसामा परेका महिलाहरुको पुनस्र्थापनामा आर्थिक अभाव भएको र लैंगिक हिंसा न्यूनिकरणमा चुनौती देखिएपछि लैंगिक हिंसा न्यूनीकरण एवं पीडित सहायताको एकीकृत प्रयासको थालनी भएको हो । वीरगन्जमा  आयोजित ‘लैंगिक हिंसा न्यूनीकरण एवं पीडित सहायता एकीकृत प्रयासको अपरिहार्यता’ विषयक छलफलमा सहभागी प्रदेश २ का मुख्यमन्त्री लालबाबु राउत गद्दीले प्रदेश सरकारले ल्याएको ‘बेटी पढाऊ, बेटी पढाऊ’ अभियानले लैंगिक हिंसा नीकरणमा सहयोग पुगेको दावी गरे ।

कार्यक्रममा जिल्ला प्रहरी कार्यालय पर्साकी प्रहरी प्रमुख प्रहरी उपरीक्षक गंगा पन्तले स्थानीय स्तरका न्यायिक निरुपणका लागि स्थानीय तहको नै जिम्मेवारी भएपनि अझैपनि प्रहरीकोमा धेरै मुद्दाहरु आउने गरेको र त्यस्ता मुद्दाहरुमा कोही पीडितहरुलाई आवासमा राख्नुपर्ने अवस्था भएपनि पूर्वाधार अभावका कारणल समस्या हुने गरेकोले त्यस्ता समस्या समाधानका लागि सबैले आ–आफ्नो स्थानबाट सहयोग गर्नुपर्ने आवश्यकता रहेको बताइन् । हिंसामा परेका महिलाहरुलाई सुरक्षित राख्नका लागि भवनको अभाव र त्यस्ता मुद्दाहरुको किनारा लगाउनका लागि पनि जनशक्तिहरुको अभाव भएकोले स्थानीय तहहरुमा सामान्य मुद्दाहरुलाई कानुनी उपचारबाट नै निरुपण गरिदिए प्रहरीमा भार नआउने उनको भनाइ थियो ।

यस्तै जिल्ला प्रहरी कार्यालय पर्साको महिला, बालबालिका तथा ज्येष्ठ नागरिक सेवा केन्द्रमा कार्यरत महिला प्रहरीहरुको लागि प्रदेशसभा सदस्य अञ्जु यादवले भवन निर्माण गरिदिने भएकी छन् । प्रदेशसभा सदस्य यादवले ३० लाखको लागतमा उपभोत्ता समिति मार्फत चारकोठे भवन निर्माणको शुरुवात गरेको पनि प्रहरी उपरीक्षक पन्तले जानकारी दिइन् ।