
Apr 04 2025 | २०८१, चैत २२ गते
प्रियंका चोपडा अर्को हलिउड फिल्ममा अनुबन्धित भएकी छन् । अन्तर्राष्ट्रिय सञ्चारमाध्यमका अनुसार मार्भल अभिनेता एन्थोनी म्याकीसँग आगामी फिल्म ‘इन्डिङ थिङ्स’मा उनलाई देख्न पाइने भएको हो ।
अमेजन स्टुडियोमा निर्माण सुरु भएको फिल्मले एक सार्पसुटर (बन्दुक हान्ने) महिलाको कथा भन्छ । ती महिलाले मान्छे मार्ने कामका लागि आफ्ना व्यावसायिक साझेदारसँगको सम्बन्ध अन्त्य गर्छिन् । तर उनलाई लाग्छ एक्लै लक्ष्य पूरा हुँदैन, टिमको जरुरत पर्छ ।
फिल्मलाई डेभिस इन्टरटेनमेन्टका जेरेमी स्टेइन, लिट इन्टरटेनमेन्ट र म्याकी प्रोडक्सन हाउसले संयुक्त रुपमा निर्माण गर्न लागेका हुन् । यसबाहेक एन्थोनी म्याकी ‘क्याप्टेन अमेरिका’को चौथो सिक्वेलमा समेत देखिंदैछन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij