Apr 21 2025 | २०८२, वैशाख ८ गते
Apr 21 2025 | २०८२, वैशाख ८ गते
काठमाडौँ । त्रिकोणात्मक टी–२० सिरिजमा घरेलु टोली नेपाल विजयी सुरुवात गरेको छ । नेपालले सोमबार भएको पहिलो खेलमा पपुवा न्युगिनी (पिएनजी)माथि १५ रनको जित हात पारेको हो ।
१८४ रनको लक्ष्य पछ्याएको पिएनजीले १९.२ ओभरमा सबै विकेट गुमाउँदै १६८ रन मात्र बनाउन सक्यो । नेपालका कप्तान सन्दीप लामिछाने र करण केसीले ३–३, अविनास बोहराले २ तथा सोमपाल कामीले १ विकेट हात पार्दा १ विकेट रन आउटका रूपमा प्राप्त भयो ।
यसअघि कीर्तिपुरस्थित त्रिवि क्रिकेट मैदानमा टस हारेर ब्याटिङको निम्तो पाएको नेपालले निर्धारित २० ओभरमा ९ विकेट गुमाउँदै १८३ रन बनाएको थियो ।
नेपालका लागि आसिफ शेखले सर्वाधिक ४३ रनको योगदान दिए । ११.३ ओभरमा अली नाओले सिमोन अटाइबाट क्याच गराउनुअघि उनले ३५ बलको सामना गर्दै ५ चौका र १ छक्का प्रहार गरे । रोहितकुमार पौडेलले ३४ र आरिफ शेखले ३१ रन बनाए ।
दोस्रो विकेटका लागि आसिफ र रोहितले ८० रनको साझेदारी गरेका थिए । पिएनजीका लागि चार्ल्स अमिनी, अली नाओ र चाड सोपरले २–२ तथा रिले हिकुरे र नोर्मन भानुआले १–१ विकेट हात पार्दा १ विकेट रन आटका रूपमा प्राप्त भयो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
