Apr 05 2025 | २०८१, चैत २३ गते
Apr 05 2025 | २०८१, चैत २३ गते
साँझ डिउटीमा रहेकी महिला प्रहरीमाथि आक्रमण भएको थियो ।
मोरङ । लेटाङमा स्थानीयको आक्रमणमा परेर प्रहरी जवान उर्मिला श्रेष्ठको निधन भयो । उनी ३ वर्षअघि मात्र प्रहरीमा भर्ना भएकी थिइन् । २३ वर्षको उमेरमा २०७६ साउन १ गते प्रहरी सेवामा प्रवेश गरेकी थिइन् । उनको परिवार नै प्रहरी सेवामा रहेको खुलेको छ । उर्मिलाका दाई भुवन पनि असई पदमा मोरङमा कार्यरत छन् । उर्मिलाको विवाह उदयपुरमा भएको थियो । विवाह भएको पनि लामो समय भएको थिएन । उनका श्रीमान् पनि प्रहरी सेवामा नै छन् ।
लेटाङ– ५ को शिक्षा विकास माध्यमिक विद्यालयमा भएको यौन दुर्व्यवहारको घटनामा भएको झडपमा गम्भीर घाईते भएकी श्रेष्ठको उपचारको क्रममा निधन भएको हो । उनको घाँटीमा धारिलो हतियार प्रहार भएको थियो । प्रहरी अधिकारीहरुका अनुसार आफैले अध्यापन गर्ने विद्यालयका शिक्षक मनोज पौडेलले एकजना १४ वर्षीय बालिकाका यौन दुर्व्यवहार गरेको घटना बाहिर आएपछि बिद्यालय आइतबार बिहानदेखि तनावग्रस्त बनेको थियो ।
उनलाई स्थानीय प्रहरीको सहयोगमा बिद्यालयमै बन्दी बनाएर राखिएको अवस्था थियो । जिल्ला प्रहरी कार्यालय मोरङले साँझ ती आरोपीलाई लिन र घटनाको अनुसन्धान थालेपछि अवस्था तनावग्रस्त बनेको हो । यही क्रममा साँझ डिउटीमा रहेकी महिला प्रहरीमाथि आक्रमण भएको थियो । हत्यामा संलग्न भएको आरोपमा पाँच जना पक्राउ परेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
