Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडाैँ । निजि तथा आवासीय विद्यालय अर्गनाइजेसन (प्याब्सन) को तीन पदमा सर्वसम्मत चयन भएको छ । अध्यक्ष पदमा हालका सहअध्यक्ष डीके ढुंगाना, कोषाध्यक्षमा सन्तोषमणि न्यौपाने र महिला उपाध्यक्षमा संगीता सिलवाल सर्वसम्मत हुनुभएको छ ।
यहीँ चैत ९–१० गते राजधानीमा हुने १५ औँ राष्ट्रिय महाधिवेशनमा हिजो बुधबार सम्पन्न मनोनयनमा तीन जनाको मात्र मनोनय परेपछि ती पदमा निर्विरोध भएको हो । अन्य पदको भने निवार्चन हुने सम्भावना रहेको छ ।
महाधिवेशनमा मुलुभरबाट २ हजार २ सय ४६ प्रतिनिधिको सहभागिता रहनेछ । प्याब्सनमा मुलुकभरबाट ५ हजार सदस्य विद्यालयले सदस्यता नवकिरण गरेको अध्यष पुरीले जानकारी दिनुभयो । महाधिवेशनले २७ पदाधिकारी र ३९ जना सदस्य चयन गर्ने छ ।
यसपटक कुनै पनि उम्मेदवारले प्यानल बनाएर निर्वाचन लड्न नपाउने निर्णय गरेकाले सकेसम्म सहमतिमै नेतृत्व चयन हुने अध्यक्ष पुरीको भनाइ छ । त्यसका लागि अन्तिम समयसम्म सहमतिको प्रयास हुने उहाँले बताउनुभयो ।
अध्यक्षमा सर्वसम्मत भएका सहअध्यक्ष ढुंगानाले ६ गते उम्मेदवारको अन्तिम नामावली सार्वजनिक गरिने जानकारी दिनुभयो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
