Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । ललितपुर महानगरपालिका भित्रका निजी तथा सरकारी विद्यालमा नेपालभाषामा पठनपाठनका लागि पाठ्यक्रम तयार भएको छ ।
महानगर भित्रका विद्यालयहरुमा नर्सरी देखि कक्षा ३ सम्म नेपालभाषामा पठनपाठनका लागि पाठ्यक्रम निर्माण समितिले पाठ्यक्रम तयार गरि नगर प्रमुख चिरीबाबु महर्जनलाई हस्तान्तरण गरेको हो ।
महानगरका शिक्षा महाशाखा प्रमुख महेन्द्रबहादुर क्षेत्रीको संयोजकत्वमा तयार गरिएको उक्त पाठ्यक्रम निर्धारण समितिमा महानगरपालिकाका शिक्षा अधिकारी प्रा.तुल्सीलाल सिंह, शिक्षा अधिकृत नवराज रिजाल, अलिना महर्जन, सबिना महर्जनलगायत रहेका छन् ।
नगर प्रमुखलाई हस्तान्तरण गरिएको उक्त पाठ्यक्रमलाई महानगरको शिक्षा समितिमा छलफल तथा रायसहित नगरपालिकाको बोर्डमा निर्णायार्थ पेश गर्नका लागि पठाइने शिक्षा महाशाखा प्रमुख क्षेत्रीले अनलाइन पत्रिकालाई जानकारी दिए । नगरपालिकाको बोर्डले पाठ्यक्रममा पारित गरेपछि उक्त पाठ्यक्रममा आधारित रहेर ललितपुर महानगरका विद्यालयहरुले नेपाल भाषामा पठनपाठन गराउने छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
