Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । गत सालको असोज २० गते त्रिभुवन विश्वविद्यालयको समाजशास्त्र विभागका उपप्राध्यापक प्रेम चलाउनेमाथि सांघातिक आक्रमण भएको थियो ।
आक्रमणबाट उपप्राध्यापक चलाउनेको टाउको, छाती, घाँटी, तिघ्रामा चोट लागेको थियो । एक महिनाभन्दा लामो अस्पताल बसाइपछि उनी घर फर्किएका थिए ।
त्रिभुवन विश्वविद्यालय परिसरमै भएको सो आक्रमण गर्ने नेविसंघको त्रिवि क्याम्पस ईकाईका सभापति हरिप्रसाद आचार्य र सचिव योगेन्द्र रावलसहितका नेता कार्यकर्ताविरुद्धको ज्यान मार्ने उद्योगको मुद्दा दर्ता समेत भएको थियो । तर घटना भएको एक वर्ष बितिसक्दा उक्त मुद्दा फिर्ता लिने तयारी भएको छ ।
मुद्दा फिर्ताको कानूनी प्रक्रिया पुर्याउने जिल्ला प्रशासन कार्यालय काठमाडौँले प्रारम्भिक प्रतिवेदन तयार गरी गृह मन्त्रालयमा पेश गरेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
