Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडाैँ । कोराना संक्रमण बढेका कारण सरकारले हल बन्द गरेपछि प्रदर्शन स्थगित भएको फिल्म ‘चपली हाइट ३’ अब फेरि हलमा आउने भएको छ । सरकारले आगामी फागुन १ गतेदेखि सिनेमा हल सञ्चालन गर्न दिने भएपछि ‘चपली हाइट ३’ ले पुनः रिलिजको अवसर पाएको हो।
फिल्मका निर्माता अर्जुनकुमारले फागुन १ गतेदेखि पुन रिलिजमा आउने जानकारी गराएका छन्। क्राइम थ्रिलरमा बनेको ‘चपली हाइट ३’ बारम्बार रिलिज डेट सर्दै गत पुस ३० गतेदेखि रिलिजमा आएको थियो भने कोभिड संक्रमणमा वृद्धि भएका कारण माघ ३ गतेदेखि हल बन्द भएकाले रिलिज रोकिएको थियो।
निकेश खड्काद्वारा निर्देशित यस फिल्ममा आमिर गौतम, महेश त्रिपाठी, स्वस्तिमा खड्का, सुपुष्पा भट्टलगायतले अभिनय गरेका छन्।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
