महानगरीय प्रहरी परिसर ललितपुरका प्रमुख वरिष्ठ प्रहरी उपरीक्षक किरण बज्राचार्यले चौकीमा कार्यरत प्रहरी कर्मचारीहरूलाई उक्त क्षेत्रको शान्ति सुरक्षाको अवस्था मजबुत पारी नागरिकले सुरक्षित महसुस गर्ने वातावरण तयार पार्न निर्देशन दिनुभएको छ ।

ललितपुर । महानगरीय प्रहरी परिसर ललितपुरका प्रमुख वरिष्ठ प्रहरी उपरीक्षक किरण बज्राचार्यले मातहतका प्रहरी कार्यालयहरूको निरीक्षण गर्नुभएको छ । एसएसपी बज्राचार्यले मातहत प्रहरी कार्यालय निरीक्षणको क्रममा प्रहरी चौकी कालेश्वर, ईलाका प्रहरी कार्यालय टुंगुन तथा ईलाका प्रहरी कार्यालय कोन्ज्योसोम पुग्नुभएको हो ।

चौकीमा कार्यरत प्रहरी कर्मचारीहरूलाई उक्त क्षेत्रको शान्ति सुरक्षाको अवस्था मजबुत पारी नागरिकले सुरक्षित महसुस गर्ने वातावरण तयार पार्न निर्देशन दिनुभएको छ । प्रहरी कर्मचारीहरूलाई मास्क, स्यानिटाईजर तथा फ्लोरोसेन्ट ज्याकेट समेत वितरण गर्नुभएको छ ।