अनलाइन पत्रिकासँग कुरा गर्दै गोदावरी नगरपालिकाकी उपमेयर मुना अधिकारीले भनिन्, ‘घाँटी र श्वासप्रश्वासमा समस्या देखिएको थियो । म अहिले एकदम ठिक छु ।’ 

ललितपुर । गोदावरी नगरपालिकाकी उपमेयर मुना अधिकारी डिस्चार्ज भएकी छन् । अधिकारीको श्वासप्रश्वासमा समस्या देखिएपछि अस्पताल भर्ना भएकी थिइन् । ललितपुरस्थित गणेशमान सिंह अस्पतालमा उपचारपछि आज घर फर्किएकी हुन् ।

अनलाइन पत्रिकासँग कुरा गर्दै उपमेयर अधिकारीले भनिन्, ‘म अहिले एकदम ठिक छु, घाँटी र श्वासप्रश्वासमा समस्या देखिएको थियो ।’ 

उपमेयर अधिकारीले साँझ सामाजिक संजालमा सबैलाई धन्यवाद प्रकट गर्दै लेखिन्, स्वास्थ्यमा सुधार भएपछि म आज घर फर्किएको छु । मेरो स्वास्थ्यलाभको कामना गर्नुहुने सम्पूर्णमा कृतज्ञता साथै हार्दिक आभार व्यक्त गर्दछु ।