प्रहरी परिसरका प्रवक्ता एसपी प्रज्वल महर्जनले भने, 'संजालमा भिडियो, अडियोमार्फत तपाईँलाई यति रकमको चिठ्ठा परेको र विभिन्न सामानहरु पार्सल गरी पठाएको छु भनेर भ्रम झुठको खेती गरेको पाइयो ।' 

ललितपुर । महानगरीय प्रहरी परिसर ललितपुरले चिठ्ठाको लोभमा नफस्न अनुरोध गरेको छ । ठगीबाट आफू बच्न र अरुलाई बचाउन सन्देशमूलक अभियानमा परिसरले सक्रियता देखाएको हो । विगत केही समयदेखि केही व्यक्ति तथा अपराधिक समुहले विदेशी नम्बरबाट प्रविधिको दुरुपयोग गरेर सामाजिक संजालमा भ्रम फैलाएको हो ।

'संजालमा भिडियो, अडियोमार्फत तपाईँलाई यति रकमको चिठ्ठा परेको र विभिन्न सामानहरु पार्सल गरी पठाएको छु भनेर भ्रम झुठको खेती गरेको पाइयो ।' प्रहरी परिसरका प्रवक्ता एसपी प्रज्वल महर्जनले भने, 'चिठ्ठा, पार्सल ल्याउन पैसा जम्मा गरिदिनुस् भनेर ढाँटेको पाइएको छ ।'  

परिसरले विदेशको नम्बरबाट फोन आएमा यस्ता भ्रामक कुरामा विश्वास नगरी प्रविधिको दुरुपयोगबाट बच्न तथा ठगी हुनबाट सतर्क हुन समेत अनुरोध गरेको छ ।