मोजिबुल्लाह चढ्ने मोटरसाइकलमा लागुऔषध राख्न लगाइएको सिसिक्यामेराबाट खुलेपछि दुई घुमुवा प्रहरीमाथि कारबाही प्रक्रिया अघि बढाइएको हो । 

रौतहट । रौतहट प्रहरीले पत्रकारलाई नियोजित रुपमा लागुऔषधमा फसाउन खोज्ने आफ्ना दुई घुमुवा प्रहरीलाई निलम्बन गरेको छ । गत ३२ साउनमा पत्रकारको मोटरसाइकलमा लागुऔषध राख्न लगाएको आरोपमा जिल्ला प्रहरी कार्यालय रौतहटले प्रहरी सहायक निरीक्षक उदयप्रसाद यादव र प्रहरी जवान मनोज साह कानुलाई निम्लबन गरेर कारबाही प्रक्रिया अघि बढाएको जानकारी दिएको छ ।

लागुऔषध नाइट्राभेट ट्याब्लेट एक सय पाँचवटा मोटरसाइकलमा राखेर मोजिबुल्लाह र शेख अतिउल्लाहलाई पक्राउ गर्न खोजेको आरोपमा उनीहरुलाई निलम्बन गरेर कारबाही प्रक्रिया अघि बढाइएको प्रहरीको भनाइ छ । मोजिबुल्लाह चढ्ने मोटरसाइकलमा लागुऔषध राख्न लगाइएको सिसिक्यामेराबाट खुलेपछि उनीहरुमाथि कारबाही प्रक्रिया अघि बढाइएको हो ।