दोष हटाउन भ्यागुतालाई खोजेर ल्याई पूजा गरी खाना खुवाई दोष प्रायश्चित गर्ने चलन रहेको छ ।

काठमाडौं । जनैपूर्णिमा अर्थात गुन्हु पुन्हि पर्वमा नेवार समुदायले भ्यागुतालाई खाना खुवाउँछन् । खेती किसानी कार्यअन्तर्गत खनजोत, रोपाइँ, गोडमेल गर्ने क्रममा कीरा, फट्यांग्रा, सर्प र भ्यागुताआदि ससाना जीव मर्नसक्ने हुँदा त्यसको दोष हटाउन भ्यागुतालाई खोजेर ल्याई पूजा गरी खाना खुवाई प्रायश्चित गर्ने चलन रहेको छ ।

भ्यागुतोले धानबालीलाई क्षय गर्ने किटाणु खाएर बाली रक्षा गर्छन् भन्ने मान्यता रहेको छ । त्यहि भएर भ्यागुतोलाई बाली रक्षकको संज्ञा दिइएको पाइन्छ । नेवार भाषामा भ्यागुतालाई ब्यांचा भनिन्छ । भ्यागुतालाई खाना खुवाउने भएकाले यस पूर्णिमालाई ब्यांचा नकेगु पुन्हि भन्ने गरिन्छ ।