May 01 2025 | २०८२, वैशाख १८ गते
May 01 2025 | २०८२, वैशाख १८ गते
काठमाडौं । बुधबार सिंहदरबारस्थित समितिको हलमा बसेको बैठकमा समितिले गठन गरेको उपसमितिका संयोजक जीवनराम श्रेष्ठले समिति सभापति जयपुरी घर्तीलाई प्रतिवेदन दिँदै १८ बुँदे सुझाव प्रस्तुत गरेका छन् । प्रतिनिधिसभा अन्तरगत रहेको शिक्षा तथा स्वास्थ्य समितिले गठन गरेको उपसमितिले छिमेकी देशहरूमा कोभिडको दोस्रो लहर देखापरेको भन्दै आवश्यक सतर्कता अपनाउन सरकारलाई सुझाव दिएको छ । भर्चुअल बैठक र स्थलगत रूपमा विभिन्न स्थानमा पुगेर अवलोकन गरि उपसमितिले विभिन्न सुझाव प्रस्तुत गरेको हो ।
उपसमितिले खुला बोर्डर भएका स्थानहरूमा संक्रामक लगायतका रोगहरूको चेकजाँच गर्न स्थायी स्वास्थ्य केन्द्रको व्यवस्था गर्न भनेको छ । प्रादेशिक तथा जिल्ला अस्पतालमा भेन्टिलेटरसहितको आइसियु लगायतका सेवाहरू प्रदान गर्नेगरि सुविधासम्पन्न बनाउनुपर्ने, संक्रामक रोगको उपचार, रोकथाम र नियन्त्रणका लागि विद्यमान कानुनहरू अपुग भएको भन्दै तीन तहको राज्यको संरचनालाई ध्यान दिई सो सम्बन्धि छुट्टै ऐन ल्याउन सुझाव दिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
