Jun 07 2026 | २०८३, जेठ २४ गते
Jun 07 2026 | २०८३, जेठ २४ गते
काठमाडौं । शेयर बजार आज सामान्य बढे पनि कारोबार रकम भने ७ अर्ब पुगेको छ ।
नेपाल स्टक एक्सचेञ्ज लिमिटेड (नेप्से) का अनुसार आज बजार ४.९० अंकले बढेको छ । ०.१८ प्रतिशतले बजार बढ्दा नेप्से २६३९.९१ अंकमा उक्लिएको छ ।
समग्रमा बजार बढे पनि बैंकिङ, फाइनान्स, होटल, जीवन बीमा, उत्पादनमूलक र लघुवित्त घटेका छन् । बाँकी अरुमा हरियाली छाएको छ ।
आज ३४९ कम्पनीका १ करोड ३६ लाख २४ हजार ८ सय २४ कित्ता शेयर किनबेच हुँदा ६ अर्ब ९९ करोड ४ लाख ८४ हजार ३९.४५ रुपियाँ बराबरको कारोबार भएको छ ।
थ्रीस्टार हाइड्रो, दोर्दीखोला जलविद्युत र सुपरमादी हाइड्रोका लगानीकर्ताहरुले क्रमशः १०, ९.३८ र ९.०७ प्रतिशतले नाफा कमाएका छन् ।
रसुवागढी हाइड्रोका लगानीकर्ताहरुले सबैभन्दा बढी ६.०९ प्रतिशतले घाटा व्यहोरेका छन् ।
आज राधी विद्युत कम्पनीको उच्च कारोबार भएको छ । उक्त कम्पनीको ५४ करोड ६५ लाख ६६ लाख ८ सय १३.५० रुपियाँ बराबरको शेयर किनबेच भएको नेप्सेले जनाएको छ ।
आइतबार भने राष्ट्रिय एकता दिवस (पृथ्वी जयन्ती) को अवसरमा सार्वजनिक बिदा हुँदा शेयर बजार पनि बन्द थियो भने हिजो सोमबार ५.५४ अंकले बजार घट्दा ६ अर्ब ४७ करोड २६ लाख ७ हजार ८ सय १.६१ रुपियाँ बराबरको कारोबार भएको थियो ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
