गगन र विश्वले विशेष महाधिवेशन पक्षधरको भेला बोलाउने, अक्कुपाई सानेपा सुरु

काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्माले विशेष महाधिवेशन पक्षधरहरूको राष्ट्रिय भेला बोलाउने भएका छन् ।

महामन्त्रीद्वयले केही दिनमै काठमाडौंमा विशेष महाधिवेशन पक्षधरको भेला बोलाउने तयारी गरेका हुन् । निकट स्रोतका अनुसार पुसको १९, २० वा २१ गतेका लागि भेला बोलाउने तयारी भइरहेको छ ।

‘महामन्त्रीद्वयले पत्र काटेर विशेष महाधिवेशनको पक्षधरहरूलाई बोलाउनुहुन्छ । त्यसपछि विशेष महाधिवेशन तोक्छौ’ महामन्त्रीनिकट एक नेताले भने । ती नेताका अनुसार महामन्त्रीद्वयले औपचारिक पत्र नै काटेर विशेष महाधिवेशनको भेला बोलाउने सहमति बनिसकेको छ ।

‘पार्टीभित्र रूपान्तरणका लागि उठेको आवाजलाई बेवास्ता गरियो । विधानको व्यवस्थालाई लत्त्याउने प्रयास भयो । अब यथास्थितिमा कांग्रेस अगाडि बढ्दैन । विशेष महाधिवेशन पक्षधरहरू एकै ठाउँमा भेला भएर दबाब दिन्छौँ’, ती नेताको भनाई छ ।

महामन्त्री थापा पक्षधरहरूले हस्ताक्षरकर्ताहरूले नै विशेष महाधिवेशन बोलाउनेबारे कानुनविद्हरूसँग नियमित परामर्श पनि गरिरहेका छन् ।

कांग्रेस केन्द्रीय कार्यालय सानेपामै भेला बोलाउने तयारी भइरहेको हो । यसैबीच महामन्त्री थापा निकट नेताहरूले सामाजिक सञ्जालमा ‘अक्कुपाई सानेपा’ ह्यासट्याग ट्रेन्ड सुरु गरेका छन् । उनीहरूले सानेपास्थित कांग्रेस कार्यालय घेराउ गर्ने, सत्याग्रह गर्ने लगायतका दबाबमूलक कार्यक्रमको तयारी गरेका हुन् ।

गगन र विश्वले विशेष महाधिवेशन पक्षधरको भेला बोलाउने, अक्कुपाई सानेपा सुरु

गगन र विश्वले विशेष महाधिवेशन पक्षधरको भेला बोलाउने, अक्कुपाई सानेपा सुरु

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय