Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
काठमाडौं । म्यानमार काठमाडौंमा जारी अन्तराष्ट्रिय महिला फुटबल प्रतियोगिताको फाइनलमा प्रवेश गरेको छ।
बिहीबार त्रिपुरेश्वरस्थित दशरथ रंगशलामा किर्गिस्तानलाई ५–० गोल अन्तरले पराजित गर्दै म्यानमार एक खेल अगावै प्रतियोगिताको फाइनल प्रवेश गरेको हो । म्यानमारलाई जित दिलाउन योन वादी र मे हिइत लुले दुई–दुई गोल गरिन् भने सानदार लिनले एक गोल गरिन् ।
योनले दोस्रो मिनेटमै म्यानमारलाई आग्रता दिलाएकी थिइन् । सानदार लिनले खेलको ३०औं मिनेटमा गोल गरिन् ।
त्यस्तै खेलको ३६ औ मिनेटमा मे हिइत लुले गोल गरिन् भने पहिलो हाफ सकिन चार मिनेट बाँकी रहँदा योनले व्यक्तिगत दोस्रो गरिन् । त्यस्तै दोश्रो हाफको ४९ औं मिनेटमा मे हिइत लुले अर्को गोल गरेकी थिइन् ।
यसअघि पहिलो खेलमा म्यानमारले लेबनानलाई ३–१ गोल अन्तरले पराजित गरेको थियो । पराजित किर्गिस्तान उपाधि होडबाट बाहिरिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
