Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
काठमाडौं । त्रिशुली नदीमा बेपत्ता भएका यात्रुमध्ये एक पुरुषको शव भेटिएको छ ।
नारायणी नदीको टापुमा घोप्टो परेको अवस्थामा अन्दाजी ३५ वर्षिय पुरुषको शव फेला परेको हो । शुक्रबार विहान नारायणघाट–मुग्लिन सडकको सिमलतालबाट दुइटा बस त्रिशुलीमा खस्दा बेपत्ता भएका यात्रुहरु मध्ये कुनै एक जनाको शव भएको आशंका गरिएको छ ।
उनीहरु मध्ये २ जना गणपति डिलक्सका र एक जना एन्जल डिलक्सका यात्रु हुन् । घटनामा काउन्टर बाहेक बीच बाटोबाट समेत चढेका गरि ६५ यात्रु परेको देखिएको जिल्ला प्रशासन कार्यालय चितवनले जनाएको छ ।
तीमध्ये ३ जना पौडिएर बाँच्न सफल भएको र ४ जनाको शव भेटिएको छ । तीमध्ये ३ जनाको सनाखत भइसकेको छ भने अर्को एक जनाको सनाखत हुन बाँकी छ । अझै ५८ जना यात्रुको अवस्था अज्ञात छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
