May 18 2025 | २०८२, जेठ ४ गते
May 18 2025 | २०८२, जेठ ४ गते
काठमाडौं । समाचार पढ्न सजिलो सजिलो होस भन्ने हेतुसहित चर्चित नेपाली एप हाम्रो पात्रोले समाचार बुलेटिन सुरु गरेको छ ।
जसमा हाम्रो पात्रोले महत्त्वपूर्ण समाचारहरूलाई विश्लेषण र वर्गीकरण गरी समाचारको सारांशलाई बुलेटिनको रूपमा राख्छ । हरेक तीन घण्टामा अपडेट हुने भएकाले प्रयोगकर्ताहरूले सधैँ ताजा समाचारहरू हाम्रो पात्रोमा हेर्न पाउनेछन् । यो सुविधा विशेष गरी समाचार पढ्न समय नभएको तर समाचारसँग सचेत र सूचित पाठकहरूको अन्तरक्रिया बढाउन यस्तो फिचर ल्याइएको हाम्रो पात्रो इंकले जनाएको छ ।
हाम्रो पात्रोले गत हप्तादेखि एआईको प्रयोग गरी महत्त्वपूर्ण समाचारहरूलाई विश्लेषण र वर्गीकरण गरी समाचारको सारांशलाई बुलेटिनको रूपमा राख्न थालेको हो । तर ती समाचारहरूमा पाठकले प्रतिक्रिया जनाउन भने पाएका थिएनन् । अब भने प्रत्येक तीन घण्टाको अन्तरालमा बुलेटिनमा अपडेट हुने समाचारहरूमा पाठकले प्रतिक्रिया जनाउन पाउने छन् ।
एआईले विभिन्न समाचारहरूबिचका समानता पहिचान गर्न सक्ने हाम्रो पात्रोकी निर्देशक सुदीना गौतमले बताइन् । त्यस्तै पाठकको रुचि, प्राथमिकता र पढ्ने बानी बुझ्न सहयोग पुग्ने गरी एआईले पाठकको रुचि अनुसारका समाचारहरूलाई सिफारिस गर्न सक्ने दाबी समेत गरिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
