Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
काठमाडौं । दोहोरो नागरिकता र चोरी मुद्दामा दोषी ठहर भई फरार रहेका ५ जनालाई प्रहरीले पक्राउ गरेको छ । शुक्रबार आफ्नै घरबाट उनीहरुलाई पक्राउ गरि अदालतमा पेश गरेको हो ।
जिल्ला प्रहरी कार्यालय कञ्चनपुरका प्रहरी निरीक्षक पुस्कर राज पन्तका अनुसार दोहोरो नागरिकता मुद्दामा फरार रहेका रामसिंहदेवी सुनार र राम कुमार सुनार रहेका छन् । उनीहरुलाई २०६४ वैशाख ५ मा जिल्ला अदालत कञ्चनपुरले २/२ हजार जरिवाना तोकेको थियो ।
जारी मुद्दामा २०५२ मा १ महिना कैद र १ हजार जरिवाना फैसला गरिएकी नन्दादेवी रोकाया, चोरी मुद्दामा ११ महिना कैद र १० हजार जरिवाना गरिएका निरज चन्द र २ महिना कैद र साढे ६ हजार जरिवाना गरिएका अमित बमलाई पक्राउ गरिएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
