Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
काठमाडौं । टिकटकमाथि प्रतिबन्ध लगाउने निर्णयविरुद्ध सर्वोच्च अदालतमा परेको रिटमा आज पेसी तोकिएको भए पनि सुनुवाइ नहुने भएको छ । उक्त मुद्दा न्यायाधीशद्वय सुस्मालता माथेमा र विनोद शर्माको इजलासमा पेसी तोकिएको भए पनि ‘हेर्न नभ्याउने’ सूचीमा परेको हो ।
यही मङ्सिर ५ गते प्रारम्भिक सुनुवाइ गर्दै न्यायाधीश विनोद शर्माको एकल इजलासले दश दिनभित्र कारण देखाउ आदेश जारी आजका लागि पेसी तोकेको थियो । उक्त विवादमा अदालतले यही मङ्सिर १५ गतेभित्र लिखित जवाफ माग गरी यही मङ्सिर १९ गते सुनुवाइका लागि पेसी तोक्ने आदेश गरेको थियो ।
वरिष्ठ अधिवक्ता दिनेश त्रिपाठीसहित १४ जनाले टिकटक प्रतिबन्धको विरोधमा छुट्टाछुट्टै रिट निवेदन दायर गरेका थिए । गत कात्तिक २७ गते सामाजिक सद्भावमा खलल पुगेको उल्लेख गर्दै सरकारले टिकटकमाथि प्रतिबन्ध लगाउने निर्णय गरेको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
