काठमाडौँ । एसएलसीको तयारी गरिरहेकी उदयपुरको वेलका नगरपालिका–६ की १७ वर्षीया कविता सुनुवार मंगलबार बिहान करिब ४ः३० बजेको झिसमिसेमा ‘ट्युसन’ पढ्न हिँडिन् । वडा नम्वर ६ स्थित उनको घरबाट करिब अढाइ किलोमिटर टाढा रहेको वडा नम्बर ३ मा पर्ने कोसी जनता माध्यमिक विद्यालयमामा कक्षा १० मा अध्ययनरत् उनी विद्यालय नपुग्दै मृत अवस्थामा फेला परिन् । 

सोही ठाउँको यसोदा नदीमा मृत फेला परेकी उनी सहपाठी साथीसँग फोनमा कुराकानी भएपछि घरबाट निस्केको खुल्न आएको जिल्ला प्रहरी कार्यालय उदयपुरका प्रहरी उपरीक्षक सुवास बोहोराले जानकारी दिएका छन् । 

साथीसँगै पढ्न हिँडेकी कविता मृत अवस्थामा भेटिएपछि प्रहरी र स्थानीयले कवितासँगै गएकी साथी सरिता ढकाललाई सोधपुछ गरे । सोधपुछका क्रममा संकास्पद् तरिकाले प्रस्तुतत भएकी उनको खुट्टामा चोट समेत देखिएको स्थानीय बताउँछन् । 

स्थानीयका अनुसार कविता र सरिता सहपाठी मात्र नभएर छिमेकी साथी पनि हुन् । साथी भएपछि घरमा आउजाउँका क्रममा कविता र सरिताको दाइ(अंकलको छोरा)बीच निकटता बढेको र अन्र्तजातीय प्रेम भएको हुनाले सो घटना घटेको हुनसक्ने स्थानीय बताउँछन् । 

स्थानीयका अनुसार कविता र उनकी साथीबीच केही समय पहिले झगडा पनि भएको थियो । साथिबीच भएको झगडालले यो अवस्था भएको हुनसक्ने स्थानीयको भनाइ छ । 

यता, हत्याको आशंकामा प्रहरीले सरिता र उनका दाइ विनोद ढकाललाई पक्राउ गरी अनुसन्धान गरिरहेको प्रहरी उपरीक्षक ढकाल बताउँछन् । उनका अनुसार अन्दाजी १९ वर्षीय आरोपित ढकाल भारतको सिक्किमका हुन् । 

प्रहरीका अनुसार यसोदा खोलाको पूर्वपट्टी बाँसघारी छ । त्यहाँबाट करिब साठी मिटर तल कवितालाई घिसारेर लगिएको देखिएको छ ।

घटनापछि उनका आफन्त, स्थानीय र विद्यार्थी आक्रोशित छन् । उनीहरूले इलाका प्रहरी कार्यालय रामपुर र वेलका नगरपालिका कार्यालय घेराउ गरेको वेलका नगरपालिकाकी उपमेयर रामकुमारी चौधरीले बताएकी छन् ।

घटनाको अनुसन्धान संघीय प्रहरी इकाई कार्यालय धरान र जिल्ला प्रहरी कार्यालय उदयपुरले गरिरहेका छन् ।