Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौँ । नुहाउने क्रममा बाथरूममा बेहोस भएका बागबजारस्थित काठमाडौँ मोडल कलेज (केएमसी) का एक विद्यार्थीको मृत्यु भएको छ ।
कलेजको होस्टेलमा बस्ने रौतहटका १८ वर्षीय सुशील सहनी सोमबार दिउँसो नुहाउन गएको बेला बाथरुम मै बेहोस भएका थिए ।
महानगरीय प्रहरी परिसर काठमाडौँका प्रहरी उपरीक्षक (एसपी) दिनेशराज मैनालीका अनुसार दिउँसो ३÷४ बजेतिर अस्पताल लगिएको थियो । अस्पतालले सहनीलाई मृत घोषणा गरेको थियो ।
प्रहरी उपरीक्षक मैनालीले ग्यास गिजरमा पानी तताएर नुहाउन खोज्दा भेन्टिलेसनको कमीले सहनी बेहोस भएको हुन सक्ने बताए ।
‘अहिलेसम्म ग्यास गिजरको कारण मृत्यु भएको भन्ने छ । प्रहरीले अनुसन्धान गरिरहेको छ,’ मैनालीले भने ।
कक्षा ११ मा पढ्ने सहनीको मृत्यु भएपछि मंगलबार विद्यार्थीहरूले क्याम्पसको लापरवाहीले साथीको मृत्यु भएको भन्दै प्रदर्शन गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
