Apr 08 2025 | २०८१, चैत २६ गते
Apr 08 2025 | २०८१, चैत २६ गते
सिड्नी । अस्ट्रेलियाको एउटा कम्पनीले थ्री डी प्रिन्टेड पड निर्माण गरेको छ, जसले मानिसहरुलाई कुनै पीडा नदिइ मृत्युवरण गर्न सहयोग पु¥याउने विश्वास गरिएको छ । सो मेसिन चाँडै नै स्वीट्जरल्यान्डका वासिन्दाले प्रयोग गर्न पाउने भएका छन् । यो प्रक्रिया ३० सेकेन्डमा पूरा हुन्छ । अचेत हुनुअघि नै व्यक्ति बोल्न नसक्ने हुन्छ ।
एक्जिट इन्टरनेसनलका संस्थापक फिलिप नितस्चेकका अनुसार मृत्युवरण गर्न चाहने व्यक्तिलाई पडभित्र राखेपछि अक्सिजनको तह विस्तारै घटाएर एक प्रतिशतमा सीमित गरिन्छ र नाइट्रोजनको मात्रा बढाइन्छ ‘सम्पूर्ण काम ३० सेकेन्डमा सकिन्छ । बोल्दा बोल्दै मानिसको जिब्रो गडबढाउछ र सास जान्छ,’ उनले भने । सो पडलाई स्वेच्छिक मृत्युको अनुमति दिएका जुनसुकै देशमा लैजान सकिने उनको भनाई छ ।
कस्तो अवस्थामा स्वेच्छिक मृत्यु गर्न पाइन्छ ?
कुनै दीर्ध रोग लागेका वा उपचार गर्दा पनि सम्भव नभएको र ६ महिनापछि मृत्यु हुन्छ भनेर सरकारले तोकेको चिकित्सकले सिफारिश गरेमा केही देशले स्वेच्छिक मृत्युलाई अनुमति दिएका छन् । स्वेच्छिक मृत्युलाई अनुमति दिइएको देशमा यो पड उपयोगी हुने विज्ञहरुले बताउँदै आएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
