काठमाडौं ।  ‘ए’ डिभिजन राष्ट्रिय फुटसल लिग प्रतियोगिता अनिश्चितकालका लागि स्थगित भएको छ। देश व्यापीरुपमा फैलिएको कोरोना महामारीको कारण अखिल नेपाल फुटबल संघ (एन्फा) ले अनिश्चितकालका लागि प्रतियोगिता स्थगित गरेको छ। जेठ १देखि२२ गतेसम्म पोखरामा आयोजना हुन लागेको ‘ए’ डिभिजन फुटसल लिग स्थगित गरिएको एन्फाले जनाएको छ। उक्त प्रतियोगिताको विजेता टोली र उप विजेता टोलीलाई क्रमशः १० लाख र ५ लाख रुपैयाँ पुरस्कार प्रदान गरिने योजना रहेको थियो।