Apr 03 2025 | २०८१, चैत २१ गते
Apr 03 2025 | २०८१, चैत २१ गते
काठमाडौ । पछिल्ला केही महिनायता नेपालमा भारतीय प्रतिनिधि र चीन उच्चपदस्थ व्यक्तिको भ्रमण बाक्लिएको छ । दुवै देश नेपालसँगको सम्बन्धलाई बिग्रिन नदिने वा थप प्रगाढ बनाउन चाहन्छन् । भारतले २०७६ कात्तिक १६ गते नयाँ राजनीतिक तथा प्रशासनिक नक्सा जारी गरेपछि नेपाल र भारतवीचको सम्बन्ध बिग्रिएक्रो थियो । झण्डै ९ महिना त बोलचालको अवस्था पनि थिएन । २०७७ कात्तिकदेखि नेपाल र भारतवीचको सम्बन्ध सुधार हुन थालेको छ ।
त्यसको संकेत चाहिँ भारतीय प्रतिनिधिको बाक्लो नेपाल भ्रमणले नै पुष्टि गरेको छ । त्यसरी आउने प्रतिनिधिले प्रधानमन्त्री तथा नेकपा अध्यक्ष केपी ओलीसँग भेटवार्ता गर्ने गरेका छन् । विपक्षी दलका नेताहरुसँग पनि छलफल गरेका छन् । तर, भारतबाट आएका पछिल्ला प्रतिनिधिले नेकपाका अध्यक्ष प्रचण्ड र विदेश विभाग प्रमुख माधव कुमार नेपालसँग भने भेट नगर्ने गरेको स्रोत बताउछ । यसलाई नेपाली राजनीतिमा आश्चर्य लाग्दो परिघटनाका रुपमा लिइएको छ ।
विगतमा विदेशी प्रतिनिधिले अध्यक्षको हैसियतमा प्रचण्डसँग भेट गर्ने गरेका थिए । साथै, पूर्वप्रधानमन्त्री तथा नेकपाको विदेश विभाग प्रमुखको हैसियतले पनि माधव नेपालसँग भेट हुने गरेको थियो । भारतीय खुफिया एजेन्सीका प्रमुख सामन्त गोयल नेपाल भ्रमणमा आएका बेला प्रचण्ड र नेपाससँग भेटेको समाचार सार्वजनिक भएपनि त्यो पुष्टि हुन सकेन । त्यसैगरी, सेनाध्यक्ष मनोजमुकुन्द नरवणेको भेटवार्ता तथा रात्रिभोजमा समेत प्रचण्ड र नेपालको उपस्थिति थिएन ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
