Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । एमबाप्पेको दुई गोलमा पीएसजीले सहज जित हात पारेको हो । साविक विजेता पेरिस सेन्ट जर्मेन (पीएसजी) ले फ्रेन्च लिग वान फुटबलमा सहज जित हात पारेको छ । लियोनको मैदानमा १५ औं मिनेटमा एमबाप्पेले गोल गर्दै टिमलाई अग्रता दिलाएका थिए । खेलको ३२ औं मिनेटमा डानिलो पेरिएराले गोल गर्दै टोलीलाई २–० को अग्रता दिलाए । ४७ औं मिनेटमा एन्जल डी मारियाले गोल गर्दा पीएसजी ३–० ले अघि रह्यो । खेलको ५२ औं मिनेटमा एमबाप्पेले व्यक्तिगत दोस्रो गोल गरेपछि पीएसजी ४–० ले अघि रह्यो । खेलको ६२ औं मिनेटमा इस्लाम स्लिमानीले गोल गर्दै लियोनलाई ४–१ को स्थितिमा ल्याए । त्यसपछि खेलको ८१ औं मिनेटमा लियोनका म्याक्स्वेल कोर्नेटले गोल गरेपनि पीएसजी ४–२ ले विजयी भयो ।
लियोनविरुद्ध दुई गोल गरेसँगै २२ वर्षीय एमबाप्पे फ्रेन्च लिग वन फुटबलमा १०० गोलको कोशेढुंगा पूरा गर्ने सर्वाधिक युवा खेलाडी चुनिए । जितपछि पीएसजी लिगको शीर्ष स्थानमा समेत उक्लिएको छ । पीएसजीले ३० खेलमा ६३ अंक जोडेको छ । लियोन ६० अंकसहित तेस्रो स्थानमा रहेको छ । एजेन्सी
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
