
Apr 04 2025 | २०८१, चैत २२ गते
गंगा दुःधराज/प्रमिला घिसिङ
ललितपुर । जावलाखेल चोकमा दुर्घटनामा परेर निधन भएकी महिलाको पहिचान अझै खुलेको छैन । प्रहरी परिसर ललितपुरका अनुसार दुर्घटना भएको स्थानमा महिलाको पहिचान खुल्ने केही पनि प्रमाण भेटिएन । ललितपुरकी प्रहरी प्रमुख तथा एसएसपी किरण बज्राचार्यका अनुसार दुर्घटनामा परेकी महिलाको अस्पतालमा निधन भएको हो । बज्राचार्यले सोमबार दिउँसो ४ बजेर ४७ मिनेटमा अनलाइन पत्रिकासँग कुरा गर्दै भनिन्, ‘दुःखद दुर्घटना भएको छ । महिलासँग कुनैपनि कागजात भेटिएको छैन ।’
दुर्घटना कसरी घट्यो ?
जावलाखेल चोकमा नियमित चेकजाँचमा ट्राफिक टोली खटिएको थियो । चेकजाँच भईरहँदा एउटा स्कुटर हुत्तिएर अघि बढ्यो । चेकजाँच छलेर अघि बढेको पाइयो । ट्राफिक प्रहरी स्रोतले अनलाइन पत्रिकालाई भने, ‘अनायासै ठूलो आवाज आयो । स्कुटर गाडीको मुनि घोप्टियो । हामीले तत्कालै अस्पताल लग्यौं ।’
पहिचान अझै खुलेन
बसको पछाडि ठक्कर खाएर लडेकी महिलाको पहिचान यो समाचार तयार पार्दा सम्म खुलेको छैन । बा २ ख ३५७४ नम्बरको स्कुटर गाडीमा ठोक्किन पुगेको परिसरले जनाएको छ ।
यो पनि पढ्नुस्
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij