नेपाल आयल निगमले ग्यास अभाव व्यवस्थापन गर्न अस्थायी रूपमा आधा सिलिन्डर (७.१ केजी) ग्यास ९५५ रुपैयाँमा बिक्री गर्ने निर्णय गरेको छ।

सर्वोच्च अदालतले किशोरी साह कमललाई कालोसूचीबाट हटाउन राष्ट्र बैंकलाई अन्तरिम आदेश दिएको छ।

स्वीस प्रशिक्षक गुग्लिएल्मो एरेना नेपाली राष्ट्रिय पुरुष फुटबल टोलीको मुख्य प्रशिक्षक नियुक्त भएका छन्।

अमेरिका–इजरायलसँगको युद्धका कारण इरानमा करिब ३२ लाख मानिस आन्तरिक रूपमा विस्थापित भएका छन्।

नेपालका स्थायी प्रतिनिधि रामप्रसाद सुवेदी डब्लुटीओको व्यापार तथा वातावरण समितिको अध्यक्षमा निर्वाचित भएका छन्।

नक्कली शैक्षिक प्रमाणपत्र प्रयोग गरेको आरोपमा तनहुँका होमबहादुर भारतीविरुद्ध अख्तियारले विशेष अदालतमा मुद्दा दायर गरेको छ।

नेकपा एमालेका केन्द्रीय सदस्य कृष्ण थापाको बैठकका क्रममा हृदयघात भएर निधन भएको छ।

अर्थमन्त्री रामेश्वरप्रसाद खनालले निजी क्षेत्रका प्रतिनिधिहरूसँग समसामयिक आर्थिक विषयमा छलफल गरेका छन्।

नेप्से सूचक २३.८७ अंकले बढेर २८२०.४४ बिन्दुमा पुगेको छ।

कम्बोडियामा अनलाइन ठगीमा फसाइएका १६ नेपालीलाई उद्धार गरी नेपाल फर्काइएको छ।

निर्वाचन सकिएपछि १ लाख ४९ हजारभन्दा बढी निर्वाचन प्रहरीलाई धन्यवादसहित बिदाइ गरिएको छ।

बुद्ध एयरले करिब ७० हजार उडान चक्र पूरा गरेको एटिआर ७२–५०० विमानलाई सेवा अवकाश दिएको छ।

अन्तर्राष्ट्रिय बजारमा कच्चा तेलको मूल्य बढेर प्रति ब्यारेल १०१ डलर नाघेको छ।

नेपाली बजारमा सुनको मूल्य तोलामा २ हजार घटेर ३ लाख १७ हजार रुपैयाँ पुगेको छ।

कर्णालीका मुख्यमन्त्री यामलाल कँडेलले इनिशा विक हत्या प्रकरणमा पीडित परिवारलाई न्याय दिलाउने प्रतिबद्धता जनाएका छन्।

नेकपा एमाले अध्यक्ष केपी शर्मा ओलीले निर्वाचन परिणाम अपेक्षाअनुसार नआएको स्वीकार गरेका छन्।

इरानले युद्ध अन्त्यका लागि कानुनी अधिकारको मान्यता, क्षतिपूर्ति र भविष्यमा आक्रमण नहुने ग्यारेन्टी माग गरेको छ।

पूर्वमन्त्री राजीव गुरुङ ‘दीपक मनाङे’ २० प्रतिशत कैद छुट पाएर डिल्लीबजार कारागारबाट रिहा भएका छन्।

च्याम्पियन्स लिग राउण्ड १६ पहिलो लिगमा रियल म्याड्रिड, पीएसजी र बोडो विजयी तथा आर्सनल बराबरीमा रोकिएको छ।

इरान–इजरायल तनावपछि भारतले रूसबाट करिब ३ करोड ब्यारेल कच्चा तेल खरिद गर्ने निर्णय गरेको छ।