Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । नेपाल राष्ट्र बैंकले बैंकिङ प्रणालीमा देखिएको अत्यधिक तरलता व्यवस्थापन गर्न आज ११० अर्ब रुपैयाँ निक्षेप संकलन गर्ने भएको छ । केन्द्रीय बैंकले ८७ दिन अवधिको अल्पकालीन उपकरणमार्फत उक्त रकम उठाउन लागेको जनाएको छ ।
राष्ट्र बैंकका अनुसार इच्छुक बैंक तथा वित्तीय संस्थाले अनलाइन बिडिङ प्रणालीमार्फत आज मध्यान्ह ३ बजेसम्म बोलकबोल गर्न सक्नेछन् । निक्षेप संकलन प्रक्रियाअन्तर्गत न्यूनतम आवेदन रकम १० करोड रुपैयाँ तोकिएको छ भने अधिकतम ५ अर्ब रुपैयाँसम्म आवेदन दिन सकिने व्यवस्था गरिएको छ । बाँकी रकम भने निःशेष भागअनुसार बाँडफाँट गरिने जनाइएको छ ।
यस निक्षेप संकलन कार्यक्रममा सहभागी हुनका लागि बैंक तथा वित्तीय संस्था राष्ट्र बैंकबाट क, ख वा ग वर्गको इजाजतप्राप्त हुनुपर्नेछ । बोलकबोल प्रक्रियामार्फत निर्धारण हुने ब्याजदरमा निक्षेप संकलन गरिनेछ ।
राष्ट्र बैंकले संकलित निक्षेपको साँवा तथा ब्याज भुक्तानी २०८३ जेठ १३ गते गर्ने जनाएको छ । बैंकिङ प्रणालीमा हाल अधिक तरलता देखिएपछि बजारमा उपलब्ध अतिरिक्त रकम व्यवस्थापन गर्न केन्द्रीय बैंकले समय–समयमा निक्षेप संकलन उपकरण प्रयोग गर्दै आएको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
