Jun 07 2026 | २०८३, जेठ २४ गते
Jun 07 2026 | २०८३, जेठ २४ गते
काठमाडौं । ग्रीसको चियोस टापु नजिकै आप्रवासी बोकेको एउटा स्पीडबोट ग्रीसको तटरक्षक जहाजसँग ठोक्किँदा कम्तीमा १४ जनाको मृत्यु भएको छ ।
घटना गएराति चियोस जलडमरूमध्यको भ्रोन्तादेस गाउँ नजिक भएको ग्रीक अधिकारीहरूले बताएका छन् । ग्रीक तटरक्षकका अनुसार, स्पीडबोट जोखिमपूर्ण र असामान्य चालमा थियो । त्यसलाई पछ्याइरहेका बेला ठक्कर भएको हो । दुर्घटना कसरी भयो भन्ने यकिन विवरण भने अझै सार्वजनिक गरिएको छैन ।
घटनापछि व्यापक खोज तथा उद्धार अभियान सुरु गरिएको छ । उद्धारमा चार वटा तटरक्षक जहाज, निजी डाइभिङ डुंगा र एक हेलिकप्टर परिचालन गरिएको छ । हालसम्म २४ जनालाई जीवितै उद्धार गरिएको छ, जसमध्ये केहीको अवस्था गम्भीर रहेको बताइएको छ । अझै केही व्यक्ति हराइरहेको आशंका गरिएको छ ।
ग्रीक सरकारी सञ्चारमाध्यमका अनुसार घाइतेमध्ये सात जना बालबालिका, एक गर्भवती महिला र दुई तटरक्षक अधिकारी रहेका छन् ।
प्रारम्भमा चार जनाको मृत्यु पुष्टि भएको थियो । तर स्थानीय समयअनुसार राति ११ बजे अरु १० शव फेला परेपछि मृत्यु संख्या १४ पुगेको हो । ग्रीस पूर्वी भूमध्यसागर हुँदै युरोप छिर्न खोज्ने आप्रवासीहरूको प्रमुख मार्ग मानिन्छ । विगतमा पनि यस्ता दुर्घटना कयौँ पटक भएका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
