Jun 07 2026 | २०८३, जेठ २४ गते
Jun 07 2026 | २०८३, जेठ २४ गते
काठमाडौं । राष्ट्रिय स्वतन्त्र पार्टी (रास्वपा) जुम्लाकी उपसभापति तारा शाही नेपाली कांग्रेसमा फर्किएकी छिन् ।
शाही आइतबार कांग्रेसमै फर्किएकी हुन् । उनलाई कांग्रेसकी केन्द्रीय सदस्य रामुदेवी खड्काले खादा र अबिर लगाएर पार्टीमा स्वागत गरिन् ।
जुम्लाको चन्दननाथ नगरपालिका–५ की शाही यसअघि कांग्रेसमै सक्रिय राजनीति गरिरहेकी थिइन् । वैकल्पिक राजनीतिको नारासहित रास्वपामा प्रवेश गरेकी शाही केही समयमै जिल्ला उपसभापति भएकी थिइन् । तर, अपेक्षित राजनीतिक अभ्यास, स्थानीय एजेन्डामा स्पष्टता र सङ्गठनात्मक स्थायित्व नदेखिएको भन्दै उनी पुन: काँग्रेस फर्किएको बताएकी छिन् ।
जुम्लामा गत निर्वाचनमा राप्रपाका ज्ञानेन्द्र शाही विजयी भएका थिए भने उनी यस पटक पनि उम्मेदवार बनेका छन् । यस पटक एमालेबाट शान्ति लाल महत, नेपाली काँग्रेसबाट दिप बहादुर शाही, नेकपाबाट नरेश भण्डारी र रास्वपाबाट विनिता कठायत उम्मेदवार बनेका छन् ।
जुम्लामा यस चुनावमा दल र स्वतन्त्र गरेर १० उम्मेदवार रहेका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
