Jun 08 2026 | २०८३, जेठ २५ गते
Jun 08 2026 | २०८३, जेठ २५ गते
काठमाडौं । वर्तमान नागरिक सरकारका गृहमन्त्री ओमप्रकाश अर्यालले निर्धारित समयमै निर्वाचन सम्पन्न हुने कुरामाथि शंका नगर्न आग्रह गरेका छन् ।
सोमबार कास्कीको पोखरामा भएको गण्डकी प्रदेशस्तरीय सुरक्षा गोष्ठी कार्यक्रलाई सम्बोधन गर्दै उनले निर्धारित समय फागुन २१ मै निर्वाचन सम्पन्न गर्न सरकार दृढ भएर लागिपरेको बताएका हुन् ।
उनले सम्बोधन गर्दै आगामी फागुन २१ मा सम्पन्न हुन गइरहेको प्रतिनिधिसभा निर्वाचनका लागि कार्यतालिका सार्वजनिक भई सोही बमोजिम तयारी भइरहेको र निर्धारित मितिमै निर्वाचन सम्पन्न हुनेमा कुनै शंका नगर्न आग्रह गरेका छन् ।
साथै उनले शान्ति सुव्यवस्था कायम गर्न प्रदेश सरकारको भूमिका ठूलो हुने भएकाले निर्वाचनको वातावरण सिर्जना गर्न आग्रह गरे। भय रहित, निष्पक्ष र शान्तिपूर्ण तवरले चुनाव सम्पन्न गर्न सरकारले विभिन्न कदमहरू चालेको र त्यसमध्ये सुरक्षा गोष्ठी पनि एक भएको उनले बताएका छन् ।
उनले जेनजी आन्दोलनलाई अपनत्व गरी सरकारले दस्तावेजीकरणका साथ जेनजी माग र शहीदका सपनालाई टुंगोमा पुर्याउने गरी प्रधानमन्त्री र जेनजीबीच सम्झौता भई राजपत्रमा प्रकाशन समेत गरी कार्यान्वयका लागि काम थालिसकिएको पनि बताएका छन् ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
