Jun 26 2025 | २०८२, असार १२ गते
Jun 26 2025 | २०८२, असार १२ गते
काठमाडौं । नागरिक उड्डयन मन्त्रालयले शिकागो कन्भेन्सन सम्झौता अनुसार विमान दुर्घटना अनुसन्धान ब्यूरो (एएआइबी) ले एआइ-१७१ विमान दुर्घटनाको अनुसन्धान सुरु गरेको बताएको छ।
अन्तर्राष्ट्रिय प्रोटोकल अनुसार अनुसन्धान गर्न एएआईबीका महानिर्देशकको नेतृत्वमा एक टोली गठन गरिएको छ।
 (1).gif)
यसमा एक उड्डयन चिकित्सा विशेषज्ञ, एक हवाई ट्राफिक नियन्त्रण अधिकारी र अमेरिकी सरकारको अनुसन्धान एजेन्सी राष्ट्रिय यातायात सुरक्षा बोर्ड (एनटीएसबी) का एक प्रतिनिधि पनि समावेश छन्।
जुन १२ मा लन्डन जाँदै गरेको एयर इन्डियाको विमान अहमदाबादमा दुर्घटनाग्रस्त भएको थियो। एयर इन्डियाले विमानमा सवार २४२ यात्रुमध्ये २४१ जनाको मृत्यु भएको बताएको थियो। यस दुर्घटनामा एक जना मात्र बाँचेका थिए।
यस दुर्घटनामा जमिनमा रहेका केही मानिसहरू पनि विमानको ठक्करबाट घाइते भए र जम्माजम्मी २७० जनाको मृत्यु भयो। यो भारतको इतिहासमा सबैभन्दा दुखद विमान दुर्घटनाहरू मध्ये एक हो।
मन्त्रालयले ककपिट भ्वाइस रेकर्डर (सीभीआर) र फ्लाइट डाटा रेकर्डर (एफडीआर) दुवै बरामद भएको बताएको छ।
भारतीय वायुसेनाको विमानद्वारा पूर्ण सुरक्षाका साथ २४ जुन २०२५ मा ब्ल्याक बक्स अहमदाबाद बाट एएआईबी ल्याब दिल्लीमा ल्याइएको थियो।
प्रयोगशालामा रहेका एएआइबी र एनटीएसबीका प्राविधिक सदस्यहरूको टोलीले सुरक्षित रूपमा डाटा प्राप्त गरेको छ। यसका साथै सीभीआर र एफडीआर डाटाको विश्लेषण पनि सुरु भएको छ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
