Logo

Apr 03 2025 | २०८१, चैत २१ गते

Apr 03 2025 | २०८१, चैत २१ गते

सामसङका सहायक प्रमुख हान जङ-हिको निधन

सामसङका सहायक प्रमुख हान जङ-हिको निधन

  • काठमाडौँ । दक्षिण कोरियाको कम्पनी ‘सामसङ इलेक्ट्रोनिक्स’का सहायक प्रमुख कार्यकारी अधिकृत हान जङ-हिको मंगलबार हृदयाघातका कारण निधन भएको छ ।

    उनी सामसङको मोबाइल फोन तथा होम अप्लायन्सेससम्बन्धी डिजिटल उपकरण तथा डिभाइस एक्स्पेरियन्स विभागको नेतृत्व गर्थे । सन् १९६२ मा जन्मिएका हानले कुल ३७ वर्ष सामसङमा बिताएको कम्पनीले जनाएको छ । उनी सन् २०२२ मा इलेक्ट्रोनिक्स विभागको उपाध्यक्ष र सहायक-प्रमुखका रूपमा नियुक्त भएका थिए ।

    सीएनएनका अनुसार हानले सामसङको टेलिभिजन व्यापारलाई विश्वस्तरमा पुर्‍याउन महत्वपूर्ण भूमिका खेलेका थिए । ‘यस कठिन समयमा हामी उनका परिवार र प्रियजनप्रति गहिरो संवेदना प्रकट गर्छौं,’ कम्पनीको सन्देशमा भनिएको छ ।

    अघिल्लो साता मात्रै हानसहित सामसङको बोर्डमा रहेका चार कार्यकारी निर्देशकले कम्पनीको वार्षिक साधारणसभा सञ्चालन गरेका थिए । त्यहाँ सेयरधनीहरूले कम्पनीको खस्किँदो सेयर मूल्यबारे जिज्ञासा राखेका थिए ।

    सामसङले पछिल्ला केही वर्ष विभिन्न चुनौती झेलिरहेको छ । विशेषगरी ताइवान सेमिकन्डक्टर म्यान्युफ्याक्चरिङ कम्पनी (टीएसएमसी) सँगको प्रतिस्पर्धा र सेमिकन्डक्टर चिपको उत्पादन र प्रवर्द्धनमा सामसङले चुनौती झेलिरहेको हो । साधारणसभामा हानले सेयर बजारमा क्षति बेहोर्नुपरेको विषयमा लगानीकर्तासँग माफी मागेको रोयटर्सले जनाएको छ ।

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij