
Apr 03 2025 | २०८१, चैत २१ गते
काठमाडौं । ट्युनिसियाको ६९औँ स्वतन्त्रता दिवस नेपालमा पनि मनाइएको छ । नेपालको राजधानी काठमाडौंस्थित अवैतनिक वाणिज्यदूतको कार्यालय प्राङ्गणमा एक विशेष कार्यक्रम आयोजना गरी स्वतन्त्रता दिवस मनाइएको हो ।
नेपालका लागि ट्युनिसियाकी अवैतनिक वाणिज्यदूत भवानी राणाको सभापतित्वमा भएको कार्यक्रममा नेपाल ट्युनिसिया चेम्बर अफ कमर्सका अध्यक्ष ईश्वर जीसीलगायत नेपाल उद्योग वाणिज्य महासंघका पदाधिकारीहरूको सहभागिता थियो ।
यस्तै, नेपाल उद्योग वाणिज्य महासंघका पूर्व उपाध्यक्ष किशोर प्रधान, सिटिजन्स बैंक इन्टरनेशनलका अध्यक्ष प्रवलजंग पाण्डेलगायत नेपालका प्रतिष्ठित उद्योगी व्यवसायीहरू, पत्रकार र वाणिज्यदूतको कार्यालयका कर्मचारीहरूको उपस्थिति पनि कार्यक्रममा थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij