Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । सर्वोच्च अदालतले स्वास्थ्य मन्त्रालयको सचिव नियुक्ति विवादमा सरकारसँग लिखित कारण माग गरेको छ ।
आफूमाथि अन्याय भएको बताउँदै सचिवकी प्रतिस्पर्धी रहेकी अतिरिक्त सचिव डा.संगीता कौशल मिश्राले दिएको रिटमा सर्वोच्चले सरकारसँग लिखित कारण पेश गर्न आदेश दिएको हो ।
सर्वोच्चका न्यायाधीश बालकृष्ण ढकालको एकल इजलासमा भएको सुनुवाइपछि सचिव बढुवा नगर्ने सरकारको निर्णयबारे लिखित कारण पेश गर्न आदेश भएको हो ।
गत फागुन ११ गते स्वास्थ्य सचिव डा.रोशन पोखरेल अनिवार्य अवकाशमा गएपछि फागुन २१ गते बुधवार बसेको मन्त्रिपरिषद् बैठकले स्वास्थ्य सेवाका अतिरिक्त सचिव डा.विकास देवकोटालाई स्वास्थ्य सचिवमा बढुवाको निर्णय गरेको थियो ।
सचिवकी दाबेदार अतिरिक्त सचिव डा.संगीता कौशल मिश्राले मन्त्रिपरिषद् बैठकको निर्णयविरुद्ध कानुनी प्रश्न उठाउँदै चैत १ गते सर्वोच्चमा रिट दायर गरेकी थिइन् ।
आफु सिनियर भए पनि मधेसी महिला भएकै कारण सचिव बढुवामा नपरेको दाबी डा.मिश्राको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
