Apr 10 2025 | २०८१, चैत २८ गते
Apr 10 2025 | २०८१, चैत २८ गते
काठमाडौं । अमेरिकी राष्ट्रपति डोनाल्ड ट्रम्पले टेस्लाको व्यापार बढाउन सो कम्पनीको गाडी किनेका छन् । टेस्ला कम्पनीका मालिक तथा आफ्ना सहकर्मी इलोन मस्कले व्यापारमा लगातार घाटा व्यहोरिरहेको बेलामा ट्रम्पले विज्ञापनका लागि गाडी किनेको न्यूओर्क टाइम्सले जनाएको छ ।
ह्वाइट हाउसमा मस्कको उपस्थितिमा आयोजित एक कार्यक्रममा ट्रम्पले रातो रङ्गको एस मोडल मन पराएको भनेर विभिन्न अन्तर्राष्ट्रिय मिडियाले लेखेका छन् । राष्ट्रपतिले निजी कम्पनीलाई यसरी सार्वजनिक समर्थन गर्नु असामान्य र सम्भावित नैतिकता उल्लङ्घन हो ।
बहालवाला अमेरिकी राष्ट्रपतिले कुनै पनि कम्पनी वा वस्तुको विज्ञापन गर्दैनन् । अमेरिकामा कार्यकारी अङ्गका अधिकारीहरूले विज्ञापन गर्न नपाउने नियम नै छ ।
तर, ट्रम्पले पनि राष्ट्रपति निवासमै खुल्लम-खुल्ला आफूलाई सबैभन्दा धेरै चन्दा दिने मस्कको कम्पनीको प्रचार गरेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
