Logo

Apr 04 2025 | २०८१, चैत २२ गते

Apr 04 2025 | २०८१, चैत २२ गते

बैतडीका एक युवक मलेसियाबाट बेपत्ता

बैतडीका एक युवक मलेसियाबाट बेपत्ता

  • काठमाडौं । बैतडीका २८ बर्षीय मिनसिंह ठगुन्ना मलेसियाबाट बेपत्ता भएका छन् ।

    रोजगारीको सिलसिलामा मलेसियामा रहेका ठगुन्ना फागुन १३ गतेदेखि सम्पर्कविहिन भएका उनका बुवा बहादुरसिंह ठगुन्नाले जानकारी दिए । उनी मलेसियाको रमाटेक्स कम्पनीमा काम गर्थे ।

    ठगुन्ना पछिल्लो १० बर्षयता मलेसियामा रोजगारी गर्दै आएका थिए । कोठामै काम गर्ने सिलसिलामा टाउकोमा चोट लागेका ठगुन्ना चोट लागेको चार–पाँच दिनपछि बेपत्ता भएका उनका आफन्तले जनाएका छन् ।

    टाउकोमा चोट लागेपछि मानसिक अवस्था कमजोर भएका ठगुन्ना एक्कासि कोठाबाट भागेको उनीसँगै कोठामा बस्दै आएका अर्का नेपालीले जानकारी गराएको बहादुरसिंह ठगुन्नाले बताए ।

    बेपत्ता भएका ठगुन्नाको खोजीमा आवश्यक पहल गरिदिन मेलौली नगरपालिका वडा नम्बर ८ को कार्यालयले मन्त्रालयलाई पत्रमार्फत आग्रह गरेको वडा अध्यक्ष तपेन्द्रसिंह बिष्टले बताए ।

    यस्तै उद्योग वाणिज्य तथा आपूर्ति मन्त्री दामोदर भण्डारीको सचिवालयले पनि बेपत्ता ठगुन्नाको खोजीमा आवश्यक पहलका लागि परराष्ट्र मन्त्रालयलाई पत्र पठाएको छ ।

     

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij