Apr 04 2025 | २०८१, चैत २२ गते
Apr 04 2025 | २०८१, चैत २२ गते
काठमाडौं । कपिलवस्तु जितपुरस्थित केसी फेन्सी पसलबाट स्रोत नखुलेको २८ लाख ९० हजार रुपैयाँसहित प्रहरीले चार जनालाई नियन्त्रणमा लिएको छ ।
नेपाली रुपैयाँ १४ लाख ५० हजार र भारतीय रुपैयाँ ९ लाखसहित इलाका प्रहरी कार्यालय पिपराबाट खटिएको टोलीले बिहीबार दिउँसो उक्त फेन्सीबाट उनीहरूलाई नियन्त्रणमा लिएको हो ।
भुइँतलामा रहेको कपडाको गोदाममा बसिरहेको अवस्था प्रहरीले अर्घाखाँचीको सन्धिखर्क नगरपालिका ५ बस्ने ३० वर्षीय गोविन्द विकलाई नियन्त्रणमासमेत लिएको छ। उनको साथबाट पाँच सय दरका १ हजार ८०० थान भारतीय नोट बरामद भएको प्रहरीले जनाएको छ ।
यसैगरी मायादेवी गाउँपालिका ८ बस्ने ३८ वर्षीय सोमनाथ कसौधनको साथबाट एक हजार दरका १ हजार २९४ थान र पाँच सय दरका ३१२ थान नेपाली नोट बरामद गरिएको प्रहरीले जनाएको छ । उनीहरूसँगै रहेका रूपन्देहीको बुटवल उपमहानगरपालिका–१६ बस्ने ४१ वर्षीय बसन्त खरेल र कपिलवस्तु नगरपालिका–११ बस्ने ४२ वर्षीय शेषनारायण गिरीलाई समेत नियन्त्रणमा लिइएको प्रहरीले जनाएको छ ।
पक्राउ परेका सबलाई भारतीय र नेपाली रुपैयाँसहित आवश्यक अनुसन्धानका लागि आन्तरिक राजश्व कार्यालय रूपन्देहीमा पठाइएको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
