Logo

Apr 03 2025 | २०८१, चैत २१ गते

Apr 03 2025 | २०८१, चैत २१ गते

वेस्ट बैंकमा इजरायलको सैन्य कारबाही, नौ प्यालेस्टिनी मारिए

वेस्ट बैंकमा इजरायलको सैन्य कारबाही, नौ प्यालेस्टिनी मारिए

  • काठमाडौं । प्यालेस्टाइनको स्वास्थ्य मन्त्रालयले इजरायलले कब्जा गरेको वेस्ट बैंकको जेनिनमा इजरायली सेनाको कारबाहीमा नौ प्यालेस्टाइनीको मृत्यु भएको जनाएको छ । इजरायली सेनाको कारबाहीमा अन्य ३५ जना घाइते भएका छन् ।

    प्यालेस्टिनी सञ्चारमाध्यमका अनुसार सहरमा धेरै आक्रमणहरू भएका छन् । सहरबाहेक राहत शिविरमा ठूलो संख्यामा सैनिकको आवतजावत भएको छ ।

    मङ्गलबार इजरायली प्रधानमन्त्री बेन्जामिन नेतान्याहुले सामाजिक सञ्जालमा लेखेका थिए – इजरायली सेनाले जेनिनबाट आतङ्कवाद हटाउन ठूलो मात्रामा अभियान सुरु गरेको छ ।

    वेस्ट बैंकमा इजरायलको कारबाहीपछि हिंसा भड्कने सम्भावना छ ।

    सैन्य कारबाहीका सम्बन्धमा जेनिनका गभर्नर कमल अबु अल-रुबले एएफपी समाचार एजेन्सीलाई भने, “आकाशमा हेलिकप्टर देखिन्थ्यो र इजरायली सैनिकहरू जताततै देखिन्थे ।”

    प्यालेस्टाइनको आधिकारिक समाचार एजेन्सी वाफाले स्थानीय स्रोतहरूलाई उद्धृत गर्दै इजरायली सेनाले जेनिन क्याम्पलाई पूर्ण रूपमा घेरेको र बुलडोजरहरूले धेरै सडकहरू खनेको बताएको छ ।

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij